දේශපාලන ප්‍රචාරණයට අහුවෙන්න එපා.....

දේශපාලන ප්‍රචාරණ ව්‍යාපාරය

සරලව හදුන්වනවානම් දේශපාලන ප්‍රචාරක ව්‍යාපාරය යනු,තොරතුරු සහ සන්නිවේදන පද්ධතියකි.ඡන්ද දායකයින් දැනුවත් කිරීමේ ක්‍රියාවලියක් ලෙස මෙය හදුනාගත හැකි අතර මැතිවරණ ජයග්‍රහණය කිරීමේ අරමුණින් මානව,සමාජීය,ද්‍රව්‍යමය,පාරිසරික ආදී සම්පත් උපයෝගී කරගනිමින් සිදු කෙරෙන ඒකාබද්ධ ප්‍රයත්නයක් ලෙසින් මෙය ක්‍රියාත්මක වේ.මැතිවරණයක් හෝ ජනමත විමසුමක් ජයග්‍රහනයට මැතිවරණ ව්‍යාපාරද වෙනත් දේශපාලනික අරමුණක් දිනා ගැනීම සඳහා මැතිවරණ නොවන ප්‍රචාරක ව්‍යාපාර ද ක්‍රියාවට නැංවේ.මැතිවරණ ව්‍යාපාරයක් වර්ධනය වන්නේ දිනෙන් දින නොව පැයෙන් පැය ය.මැතිවරණ ව්‍යාපාරයකදී මාධ්‍යවේදීන් තම අභිමතය පරිදි තොරතුරු උඩුයටිකුරු කරනු ලබයි.මේ ආකාරයට සිදුවන දේශපාලන ප්‍රචාරණ ව්‍යාපාර උපක්‍රම කිහිපයක් ඇත.

ප්‍රදර්ශන, සංදර්ශන සහ සැණකෙළි

          ප්‍රදර්ශන හා සංදර්ශන පැවැත්වීම ආණ්ඩු බලයේ සිටින කොටස් රජයේ වියදමින් සිය ප්‍රචාරක කටයුතු සිදු කිරීම සඳහා යොදාගනු ලබන උපායමාර්ගයකි.මේ සඳහා පසුගිය දශක කිහිපය තුල මෙන්ම  මෑතකාලීන සිදුවීමද නිදසුන් ලෙස දැක්විය හැකිය.ඒ අතර 1964 වසරේ දී සිරිමාවෝ බණ්ඩාරනායක මැතිනිය පැවැත් වූ ‘කර්මාන්ත ප්‍රදර්ශනය’ කැපී පෙනෙන්නක් වුයේ මැතිවරණය ආසන්නයේ එය පැවැත්වීමයි.1980 දශකයේ සිට පැවත්වෙන ‘ගම්උදාව’, ‘මහපොළ’, ‘මහවැලි’ ප්‍රදර්ශනද නිදසුන් වේ.මෑතකාලීන රජය මගින් පැවැත්වූ ‘එන්ටප්‍රයිස් ශ්‍රී ලංකා’ ප්‍රදර්ශනය ද ඊට පෙර ආණ්ඩුව විසින් පැවැත්  වූ ‘දැයට කිරුළ’ ප්‍රදර්ශනයද ස්වකිය දේශපාලනික අරමුණු සාක්ෂාත් කරගැනීම උදෙසා පවත්වා ඇත.

දේශපාලන පක්ෂ වර්ණ හා ලාංජන   

            මෙරට මැතිවරණ හා වර්ණ එකට බැදෙන්නේ වර්ෂ 1931 හා 1936 අතර කාලයේ සිටය.මුල් කාලවකවානුවේදී රතු, කළු, අළු, හා සුදු වර්ණ භාවිත වී ඇති අතර පසුව ස්ව කැමැත්ත අනුව වර්ණ භාවිත කිරීම සිදු කර ඇත.එහිදී වාමාංශික පක්ෂය කම්කරුවන්ගේ රුධිරය සංකේතවත් කරමින් රතු වර්ණයද, කෘෂිකර්මාන්තය මුලික කරගනිමින් එක්සත් ජාතික පක්ෂය කොළ වර්ණයද,ශ්‍රී ලංකා නිදහස් පක්ෂයෙන්  වෙන් වූ ශ්‍රී ලංකා මහජන පක්ෂය දම් වර්ණයද තෝරාගනු ලැබුවේ එය,ශ්‍රී ලංකා නිදහස් පක්ෂයේ නීල වර්ණයත් වාමාංශික පක්ෂයේ රතු පැහැයටත් අතරමැදි වර්ණයක් බැවිණි.පක්ෂ ලාංජන පිළිබද ඉතිහාසය 1947 වසර දක්වා දිවයන අතර එම වර්ෂයේ පැවැත් වූ ජනධිපතිවරණයට මුල්ම ජන්ද ලකුණ ලබා දී ඇත.අදවනවිට නොයෙක් ජන්ද ලකුණු දැකගත හැකි අතර ඒ සියල්ලම දේශපාලන ප්‍රචාරක අරමුණු මුල් ව බිහි වී ඇති දේ ලෙස හදුන්වා දිය හැකිය.

ඒ.ජා.ප. - අලියා

ෆෙඩරල් පක්ෂය - ගෙය

ඊලාම් ජනතා ප්‍රජාතන්ත්‍රවාදී පක්ෂය (E.P.D.P) - විණාව

පොදුජන පෙරමුණ - පොහොට්ටුව

ශ්‍රී ලංකා මුස්ලිම් කොන්ග්‍රසය - ගස

ජනතා විමුක්ති පෙරමුණ - සිනුව

නව සමසමාජ පක්ෂය - කුඩය

පෙළපාලි හා පිකටින් ව්‍යාපාර

            කොළඹ නගරයේ නිදහසේ පෙළපාලි යාමට වෙන්කර ඇති මැයි පලවෙනිදා සෑම දේශපාලන පක්ෂයක්ම සිය බලය පෙන්වීමට අවස්තාව කරගනී. වාමාංශික සන්නිවේදන උපක්‍රමයක් ලෙසින් පෙළපාලි ව්‍යාපාරය මෙරටට පැමිණි අතර E.A.ගුණසිංහ විසින් පැවැත් වූ ‘කම්කරු පෙරහැර’ තුල කෝලම් නැටුම්ද දැකගත හැකි විය.රැස්වීමක් ආරම්භයේදී පෙළපාලියකින් වේදිකාව පිහිටි භුමිය වෙත පැමිණීම මෙතුල දැකගත හැකි ලක්ෂණයකි.වර්ෂ 1977 සිට සැම මැතිවරයක් ආසන්නයේ දී ම වර්ජන, පිකටින්, පෙළපාලි සංවිධානය කිරීම සෑම විපක්ෂයකම උපක්‍රමයක් විය.මේවායෙහි ජනතාව තරමටම පෝස්ටර්,සැරසිලි,සටන් පාඨ,ශබ්ද විකාශන යන්ත්‍ර වැදගත් ස්ථානයක් හිමිකරගනී.පෙළපාලි කඩාකප්පල් වීම වැලැක්වීම සඳහා උපායක් ලෙස ජ.වී.පෙ. භික්ෂුන් වහන්සේලා යොදා ගැනීම ආරම්භ කල අතර අදවනවිට එය සම්ප්‍රදායක් බවට පත් වී ඇත.මේ සඳහා හොදම නිදසුන 2004 වර්ෂයේ මැතිවරණ කාලයෙන් හමු වේ. ජ.වි.පෙ එම කාලවකවානුවේදී උපවාස හා වර්ජන රැල්ලක් රටපුරා ඇති කල අතර 2004 වසරේ එ.ජා.ප විසිරුවා හැරියේ චන්ද්‍රික කුමාරතුංග මැතිනිය ජ.වි.පෙ මගින් රට පුරා ඇති කල වැඩවර්ජන මගින් රට තුල වියවුල්කාරී වාතාවරණයක් ඇති කරමිනි.

ප්‍රතිපත්ති ප්‍රකාශන

            දේශපාලන පක්ෂවල ප්‍රතිපත්ති කාලයෙන් කාලයට වෙනස් වුවද යම් විෂය ක්ෂේත්‍රයක් සම්බන්ධයෙන් වන මුලික ප්‍රතිපත්ති රාමුව වෙනස් නොවේ.පක්ෂ තම අනන්‍යතාවය බවට පත්කර ගනු ලබන්නේ එම මුලික ප්‍රතිපත්ති රාමුවයි.මැතිවරණ ඉලක්ක කරගනිමින් පක්ෂ පමණක් නොව අපේක්ෂ්කයින්ද ප්‍රතිපත්ති ප්‍රකාශන ඉදිරිපත් කරයි.දේශපාලන ප්‍රතිපත්ති සමඟ මැතිවරණ පොරොන්දු ඉතා කිට්ටු සබදතාවයක් පවත්වා ගනු ලබයි.ප්‍රතිපතති ප්‍රකාශන අතර,

ඒ.ජා.ප - උන්ඩයද?ජන්දයද?,හාල්සේරු දෙක දෙන්නේ කෙසේද?,අපේ අතේ සතේ නැතේ,මේ කව්ද මොනවද කරන්නේ?

ශ්‍රී.ල.නි.ප - ජන යුගය,සිරිමා අම්මා,අපිට මතකයි,දිය රෙද්දෙන් බෙල්ල කැපීම,රට රකින්න ඔබත් එන්න

ආදීය වැදගත් වේ.

දේශපාලන පෝස්ටර්

            පෝස්ටර් නොමැතිව දේශපාලනය නොකළ හැකි තරමටම එය දේශපාලන සන්නිවේදනය හා බැදී පවතී.ගොබෙල්ස් ප්‍රචාරන කටයුතු සඳහා අදාළ විය යුතු කරුණු,ආකෘතිය,මාතෘකා දැක්වීම ලොවට හදුන්ව දී ඇත.දේශපාලන ඉතිහාසයේ ජ.වි.පෙ සිදු කල පෝස්ටර් ව්‍යාපාර අතර

‘උනුත් එකයි මුනුත් එකයි මෙදා සැරේ අපි’.

‘රුසියාවට ලෙනින් ලංකවට විජේවීර’.ආදිය ප්‍රධාන ස්ථානයක් හිමිකර ගනියි.

මිට අමතරව,

‘ජයනියතයි ගමන සුබයි’, ‘සද්ධන්ත කුලේ අලියා’, ලෙයට ලෙය මරණයට මරණය’, ‘හරි අතට රට පෙරට’වැනි පෝස්ටර් ව්‍යාපාර නිදසුන් ලෙස දැක්විය හැකිය.

 වේදිකා නාට්‍ය හා චිත්‍රපට  වාර්තා චිත්‍රපට

            කලාව හා දේශපාලනය එකක් බව ලියෝ ට්‍රොට්ස්කි දක්වයි.ඒ අනුව දේශපාලන කලාවට නාට්‍ය,නවකතා,ගීත,චිත්‍රපට,කෙටිකථා ආදිය අන්තර්ගත වේ.ලොව විශිෂ්ඨතම දේශපාලන චිත්‍රපටය ලෙස 1939 දී තිරගත වූ ‘මිස්ටර් ස්මිත් ගෝ වොෂින්ටන්’ චිත්‍රපටය දැක්විය හැකිය.ලංකා දේශපාලන තුල 2000 වසරේදී තිරගත වූ ‘රාජ්‍ය සේවය පිණිසයි’.චිත්‍රපටය එවකට මැතවරණ වාසි ලබා ගැනීමට ප්‍රදර්ශනය කර ඇත.තවද ‘ධවල භිෂණය’, ‘රාජකපුරු’, ‘මහාසුපින’, ‘සෙක්කුව’ වැනි වේදිකා නාට්‍ය ද මේ අතරට එක් වේ. මෑතකාලීනව නිර්මාණය වූ ‘මහ්නිදාගමනය’, ‘ගාමණී’, ‘මාතා’ වැනි චිත්‍රපට මහින්ද රාජපක්ෂ නම් දේශපාලන ප්‍රතිරූපය ජනතාව තුල ප්‍රසිද්ධ කිරීමට බිහි වූ නිර්මාණ ලෙස පෙන්නවා දිය හැකිය.මේ යටත අයත් වන වාර්තා චිත්‍රපට නිර්මාණයෙන් ලොව විශිෂ්ඨතම වාර්තා චිත්‍රපටය ලෙස “Triump of the will” චිත්‍රපටය දැක්විය හැකි අතර එය නාසීන් විසින් නාසීන් පිලිබඳ සිදුකරනු ලැබුවකි.මේ සඳහා ලංකාව තුල ‘පියා සහ දරුවෝ’, ‘ගමනක අවසානය’ ආදී කෙටි චිත්‍රපට නිදසුන් ලෙස ඉදිරිපත් කල හැකිය.

දේශපාලන නවකතා  

          එක් දේශපාලන ප්‍රතිරූපයක් හෝ සිදුවීමක් මුල් කරගනිමින් දේශපාලන නවකතා බිහිවේ.ටෙනිසන් පෙරේරා විසින් රචිත ‘විප්ලවය’ කෘතියේ වාමාශික දුගී පවුලක් පිලිබදව සදහන් වේ.කේ.ජයතිලකගේ ‘දෙලොවට නැති අය’ කෘතියේ 1956 වසරේ එ.ජා.ප. පරාජය වී ශ්‍රී.ල.නි.ප බලයට පැමිණීම තුලින් මතු වූ දේශපාලනික වෙනස්කම පාදක කොටගෙන ඇත.මිට අමතරව මෑතකාලීනව බිහි වූ ‘ජනධිපති තාත්තා’, ‘රණබිම ඔස්සේ නන්දිකඩාල්’, ‘අධිෂ්ඨානය’, ‘ජනවාරි 8’ වැනි කෘති නිදසුන් වශයෙන් පෙන්වා දිය හැක්කේ එම කෘති මගින් ස්වකිය ප්‍රතිරුපයන් ජනතාව අතර ස්ථාපිත කර ජනකැමැත්ත ලබාගැනීම සිදු වූ නිසාවෙනි.

දේශපාලන පක්ෂ ගීත   

            සෑම දේශපාලන පක්ෂයකටම ආවේනික වූ ගීත ඇත.

සමසමාජ පක්ෂය - සාදුකින් පෙලෙන වුන්......

එක්සත් ජාතික පක්ෂය - සම්පත් සාදන ලංකා දරනි තලේ.............

ශ්‍රීලංකා නිදහස් පක්ෂය - ශ්‍රීලංකා ස්වර්ණ භුමියේ.............

මිට අමතරව ඒ ඒ දේශපාලන චරිතයන් සඳහා බිහි වී ඇති ගීත අතර ‘අප්පච්චි’, ‘ආයුබෝවේවා මහරජාණෙනි’ යන ගීත ජනප්‍රිය වේ.මෙවැනි ගීත තුලින් ඒ ඒ දේශපාලන ප්‍රතිරූපය සඳහා ජනතාව තුල ඇති කැමැත්ත හා හොද හිත වර්ධනය කිරීම සිදු කරනු ලබයි. අද්‍යතනය වන විට විවිධ දේශපාලකයන්ට හා සමස්ත දේශපාලන ක්‍රියාවලියම නිශේදනය කිරීමට විවිධ ගීත නිර්මාණය වී ඇත.ඒ අතර රන්වල පදනමෙන් නිර්මාණය කර ඇති ‘ආයුබෝවන් ගුඩ්මොර්නින්’ ගීතයද වායෝ සංගීත කණ්ඩායමෙන් නිර්මාණය වී ඇති ‘දියවන්නාවේ බකබක ගානා ගෙම්ම්බෝ ගොඩයි.’ ගීතයන්ද පෙන්නවා දිය හැකිය.

           

දරුවන් ප්‍රතිනිර්මාණය කිරීමේදී ලාංකේය වෙළඳ දැන්වීම් දරුවා අපරාධකරුවෙකු බවට පත් කරයිද?

ශ්‍රී ලංකා ළමාරක්ෂක අධිකාරයේ හා ළමා හා කාන්තා කාර්යංශයට අනුව ළමයා යනු,මවුපියන්ගෙන් යැපෙන වයස අවරුදු 18ට අඩු පිරිසයි.නමුත් මෙය ජිවව්ද්‍යාත්මකව වෙනස් විය හැකිය.ඒ අනුව,

ළදරු

පුර්ව ළමාවිය- අවු:4-5

ළමයා - අවු:6-12

නව යොවුන් දරුවා - අවූ:13-18

මාධ්‍යවේදිනී ටාසි විට්ටච්චි මහත්මියට අනුව,”රුපවාහිනී බලය රූපය මත 60%ක් ද ශබ්දය මත 40%ක් ද රැදී පවතී.මේ නිසා ඉන් ලබා දෙන පණිවිඩය ඉතා බලවත් වේ.එබැවින්,දැන්වීම කලාව ‘ජනතාව පෙළඹවීම්’කලාවක් ලෙස අර්ථ දැක්විය හැකි අතර සමහර අයෙකු මෙය ‘ගොරක දඩමස් කිරීමේ කලාව’ ලෙසද හදුන්වයි.”

වර්තමාන වාණිජ අර්තක්‍රමය යටතේ එකිනෙක අභිභවා තම නිෂ්පාදන,භාණ්ඩ,සේවා පෙරමුණට පැමිණවීමට සහය කරගනු ලබන්නේ වෙළද දැන්වීම් කලාවයි.නමුත් අද වනවිට මෙය කලාවකට වඩා ව්‍යාපාරයක් බවට පත්වී ඇත.

“කවර හෝ විකුණන දෙයක් පුද්ගලික හෝ පුද්ගලික නොවන හෝ ඉදිරිපත් කරනු ලබන හා වර්ධනය කරනු ලබන අදහස් මඟින් ද්‍රව්‍ය හෝ සේවාවක් අනුග්‍රාහකයින්ට හඳුන්වා දෙන මාධ්‍ය දැන්වීම් කලාව වේ.”

“විකුණුම් ලබා ගැනීමේ හා ප්‍රසිද්දිය ලබා ගැනීමේ මාර්ගයයි.” (ඔක්ස්වර්ඩ් ශබ්දකෝශය)

දැන්වීමක් යන්න අපට මෙසේ අර්ථකථනය කල හැකිය.

දැන්වීමක් තුලින් කලාවට එහා ගියා වූ අධ්‍යාපනික,සාමජිය,ආර්ථික වශයෙන් වැදගත් වූ අන්තර්ගතයන් හා පණිවිඩ ලබා දිය යුතුය.නමුත් වත්මන් දැන්වීම් තුලින් පාරිභෝගිකයා මුලාවට පත් කිරීමක් සිදු වේ.වෙළද දැන්වීමක් සෑම විටම සත්‍ය හෙළිකළ යුතුය.එය යම්කිසි ප්‍රමිතියකට අනුව සකස් විය යුතුය.නමුත් අද එවැන්නක් දැකගැනීමට නොහැකි වීම කනස්සල්ලට හේතුවකි.

අද රූපවාහිනී,ගුවන්විදුලි,හෝ පුවත්පත් වේවා මේ සෑම මාධ්‍යකම පලවන බොහෝ රෙදි සේදුම් කුඩු දැන්වීම් තුලින් අදුම්වල ඇති ඕනෑම පැල්ලමක් නැති කිරීමට හැකියාව ඇති බව පැවසීමත්(surf excel,sunlight,diva)සම පැහැපත් වීමට ඇති ආලේපන දැන්වීම්(fair&lovely,misumi.chndanaalepa,ponds)මගින් දින 7,10,21 ආදී වශයෙන්  සම පැහැපත් වනබව පැවසීමත් තුලින් පාරිභෝගිකයා සුක්ෂම ආකාරයට ගොනාට අන්දවා ඇත.  මෙවැනි වටපිටාවක් යටතේ දරුවා වෙළද දැන්වීම් වලින් නොමග යෑම වලක්වා ගත නොහැකි තත්වයකට පත්ව ඇත.තවද අද වනවිට වෙළද දැන්වීම් සදහා ළමුන් යොදා ගැනීම රැල්ලක් බවට පත් වී ඇත.ආසියානු රටක් වන ශ්‍රීලංකාවේ ප්‍රභෝගිකයන් වඩාත් සංවේදී මෙන්ම භාවාතිශය වේ.මව,පියා,පවුල,දරුවන් යන භාවාතිශය කරුණු තුලින් පාරිභෝගිකයා කොටු කර ගැනීමට වත්මන් වෙළද දැන්වීම් පෙළඹි ඇත.ආචාර ධර්ම අතික්‍රමනය කරමින් අද දරුවන් වෙළද දැන්වීම් සදහා යොදා ගැනීම සිදු කරන්නේ හුදෙක් ලාබ පරමාර්ථයෙන් පමණි.

ළමයා යනු බොරු ආටෝප සාටෝප වලින් මනස දුෂණය නොවූ හරි වැරැද්ද තෝරා බේරා ගැනීමට නොහැකි පිරිසකි.ඔවුන් හට විචක්ෂණ බුද්ධියක් නොමැති වීමෙන් මනස මගින් ඕනෑම දෙයක් ග්‍රහණය කරගම්නිමට ඇති ඉඩකඩ වැඩිය.එබැවින් ආකර්ශනියව නිර්මාණය වන මුසාවාද වෙළද දැන්වීම්වලට කුඩා දරුවා නිතැතින්ම ආකර්ශනය වේ.

බොහෝ ළමා කිරිපිටි දැන්වීම් වල කට වටේ කිරි ගා ගෙන කිරි වීදුරුව පානය කිරීම(anchor,milo) අද සුලබව දැන්වීම තුලින් දැකගත හැකිය.ලාංකේය සංස්කෘතිය අනුව අප ආහාර පාන ගන්නා විට තලු නොමරා,කට වටේ දෑත් පුරා නොගාගෙන පිරිසුදුව පිළිවෙලට ආහාරය ගත යුතුය. නමුත් මෙවැනි දැන්වීම් තුලින් කුඩා දරුවගේ මනස තුලට ආහාර ගැනීමේ නරක පුරුද්දක් හොද පුරුද්දක් ලෙස සංජානනය කරයි.මෙම දැන්වීම නරඹන කුඩා දරුවා සිතන්නේ, ‘මමත් මේ විදියට කට වටේ කිරි ගාගෙන කිරි බොන්න ඕනි එතකොට මේ වගේ මටත් ජිවිතේ ජය ගන්න පුළුවන් වේවි.’යනුවෙනි.විශේෂයෙන් මෙම දැන්වීම් හුදෙක් දැන්වීම් ලෙසට හදුනා ගැනීමට නොහැකි තරමට දීර්ඝ වන අතර කෙටි චිත්‍රපටයක් නැරඹනවා හා සමානව එම දැන්වීම් නැරඹීමට අවස්තාව හිමිවේ.

අද මාධ්‍ය කුඩා දරුවන් පිළිබද දක්වන හැසිරීම අශෝබනසහගත වේ.මන්ද කුඩා දරුවෙක් වැරද්දක් කර හසු වූ විට ඔහු හෝ ඇය මුළු මහත් සාමාජයක්, රටක් ඉදිරියේ ඔවුන් අපරදකරුවන් වැරදිකරුවන් බවට පත් කරන්නේ කිසිදු වගවිභාගයකින් තොරවය.මේ සදහා මෑතකාලයේ සිදු වූ සේයා දියණියගේ ඝාතන සිදු වීමේදී මාධ්‍ය ක්‍රියාකළ ආකාරය නිදසුන් ලෙස ඉදිරිපත් කල හැකිය.සැබෑ අපරාධකරුවන් වුවත් නොවුවත් මාධ්‍ය ඔවුන් අපරාධකරුවන් කරන්නේ ඇසිපිය හෙලන ක්ෂනයෙන්ය.පසුගිය දිනක මෙරට ඇති වූ පාස්කු ඉරුදින ප්‍රහාරයේ මහා මොලකරුගේ දියණිය බෙරා ගෙන රෝහල්ගත කිරීම හා ඉන්පසු සිදුවීම් වලදී මාධ්‍ය ඇය වසන් නොකර එළිපිට ලෝකයටම පෙන්නවා ඇයගේ අනාගතයට මහා විශාල කැළලක් එල්ල කල බව අපට නොපෙනන සත්‍යකි.එවන් හැසිරීමක් ඇති මාධ්‍ය වෙළද දැන්වීම් තුලින් කුඩා දරුවන්ගේ මනස විකෘති නොකරයි සිතිය නොහැකිය.

දරුවන් දෙමාපියන්ගේ රැකවරණය යටතේ හැදී වැඩේ.දරුවන් දැන්වීම්වලට යොදවා ඔවුන්ගෙන් මුදල් උපාය ගැනීම සදහා දරුවන් බිල්ලට දෙන්නේ දෙමාපියන්ම නොවේද?ඒ සදහා හොදටම නිදසුනක් පසුගිය දිනක අපට දැකගත හැකි විය.අක්ෂා චමුදි නම් කුඩා දියණියක වයසට නොගැලපෙන දේ සිදු කළේ දෙමාපිය අනුදැනුම ඇතිව නොවේද?දියණියගේ දක්ෂතාවය විකුණා කන්නේ දෙමාපියන්ම නොවේද?

වෙළද දැන්වීම් ආචාරධර්ම වලට අනුව ළමයෙකුගේ මුවින් වෙළද භාණ්ඩයක් නමක් පවා ප්‍රචාරය කිරීමට නොහැකිය.අචාරධර්ම බල්ලාට දමා අද නිර්මාණය කරන වෙළද දැන්වීම් තුලින් ළමයා වෙළද භාණ්ඩයක් බවට පත් කර ඇත.මේ පිලිබදව යුනෙස්කෝ සංවිධානය අදහස් ප්‍රකාශ කලද ඒවා ක්‍රියාත්මක නොවීම විෂ්මසහගතය.දරුවෙකුගේ මුවින් වෙළද සන්නාමයක නමක් ප්‍රචාරය කිරීම ආචාරධර්ම විරෝධී වුවද unliever,anchor,nestle,maliban(mom me & milo,prima stella)ආදී දැන්වීම් තුලින් එය අමු අමුවේ උල්ලංඝනය කරන ආකාරය අපට දැකගත හැකිය.නමුත් කිසිවෙකුටත් එය වැලක්වීමට හෝ එයට විරුද්ධ වීමට හැකියාවක් නැති වීම දරුවන්ගේ අභාග්‍යකි.මෙම භාණ්ඩ තුල ඇත්තේ කෘතීම රසකාරක ඇති ශරීර සෞඛ්‍යට අහිතකර දේය.එබදු අහිතකර නීතිවිරෝධී ප්‍රභෝජනයට නුසුදුසු ආහාර පිළිබද හයක් හතරක් නොදත් දරුවෙකුගේ මුවින්ම පරිභෝජනයට සුදුසු බව පැවසීම ඒ දරුවන් සහමුලින්ම අපරදකරුවන් බවට පත්කිරීමකි.

ටිකිරි ටිකිරි ට්කිරි ලියා

වේදිකාව උඩට ගිය

කවිය මතක නැතුව ගියා

ටිකිරි නිසා හොදට ගියා

මෙය මන්චි බිස්කට් ආයතන වෙලදන්විමකි.දැන්වීම අවසන් වන්නේ,කොහොමද ටිකිරි මොලේ?යනුවෙන් සදහන් කරමිනි.ටිකිරි මාරි බිස්කට් එකක් පෙන්නවමින් දරුවා පවසන කවිය වෙනස් කර ගැයීමට සලස්වයි.මේ දැන්වීම දකින කුඩා දරුවන්ගේ සිත් තුල අත්වන්නේ,මටත් මොනාවත් අමතක නොවෙන්න මාරි කන්න ඕනි.යනුවෙනි.නොදැනුවත්ව දැන්වීමේ සිටින කුඩා දරුවා මුළුමහත් සමාජයේම දරුවන් වැරදි මාර්ගයට යොමු කරන්නේ පාඩම් නොකර ටිකිරි මාරි ආහාරයට ගැනීමෙන් ජිවතය ජයගත හැකි වේ යන පණිවිඩය ලබා දෙමිනි.නොදැනුවත්ව ඒ නොදරුවා අපරදකරුවෙක් නොවන්නේද?

මන්චි ලෙමන් පෆ් වෙළද දැන්වීමේ අලුත් සර් පංති කාමරයට එන විට දරුවන් සියලු දෙනා දන ගස්වා තබයි.විදුහල්පති පැමිණ “නැහැදිච්ච ළමයි” යනුවෙන් ඒ නොදරුවන් අපරදකරුවන්, නොමන දරුවන්,නැහැදිච්ච හොරුන් බවට පත් කරයි.

මාමයිට් වෙළද දැන්වීමේ කුඩා දරුවෙක් මගින් සංස්කෘතිය අතික්‍රමනය කිරීමට සමාජයට අවසර ලබා දේ.ඉංග්‍රීසි නම් වලට සිංහල නම් මිශ්‍ර කිරීම(ප්‍රින්ස් කුමාර)ජාතික ඇදුමට ඉන්දියානු සම්ප්‍රදාය මිශ්‍ර කිරීම ආදී කරුණු කිරීමට දෙපාරක් නොසිතුව සේම ලාංකිකයන් වශයෙන් freelankanවීමටත් මාමයිට් සමග ආහාර මිශ්‍ර කිරීමට දෙවරක් නොසිතන්නට ඒ දැන්වීම කුඩා දරුවන් පමණක් නොව වැඩිහිටි පිරිස්ද පොලඹවයි.සංස්කෘතිය කපිට හැරවීමට මුළු සමාජයටම අනුබල දෙන ඒ නොදර්වුඅ සමාජය ඉදරියේ අපරාදකරුවෙකු නොවන්නේද?

ඇන්කර් pediapro වෙළද දැන්වීම වයස අවුරුදු 5 ට අඩු දරුවන් යොදා ගෙන ඇත.එහි එක දියණියක් තම මවගෙන් අසෙන්නේ, ‘අම්මේ රෑට ගොනිබායියා එනවනම් එය නිදා ගන්නේ කොඉ වෙලාවටද?’ යන්වෙනි.කුඩා දරුවන් තුල ගෝනිබායියාට ඇති බිය මෙමගින් නැති කර දමන්නේය.තවත් දරුවෙක් තම පියාට මෙසේ පවසයි.’තාත්තේ ඉක්මනට ලොකු වෙන්නේ අන්තිම කට කෑවමනම් මම ඒක විතරක් කන්නද?’pediapro කිරිපිටි පානය කිරීමෙන් දරුවන් මෙවැනි බුද්දිමත් පැනයන් අසන බව දැන්වීමේ හරය වුවද එමගින් බුද්දිමත් බව පරයා නොදරුවන් වංචාකාරයන් බවට පහසුවෙන් පත් කරයි.ජිව්තයට එන ප්‍රශ්න වලින් පහසුවෙන් වංචා කර පැනයාමට මෙමගින් දරවන් තුල පෙළඹවීමක් ඇති කරයි.

commercial credit වෙළද දැන්වීම (තාත්තේ ලොකු වැඩක් ද?) මගින් තම පියාට උපදෙස් දීමට හැකියවෙන් යුත් දියණියක් මවා දක්වයි.තම දෙමාපියන් මරාදමන වාතාවරණයක් රට තුල නිර්මාණය වී ඇත්තේ මෙවැනි වෙළද දැන්වීම් හරහාය.

මහින්ද රාජපක්ෂ මහතාගේ වෙළද දැන්වීම තුල කුඩා දරුවන් දේශපාලනික වංචනිකයන් බවට පත් කරයි.’සුබ නවවසරක පැතුම අපි’පුංචි අපේ සෙනෙහස ඔබටයි.’යනුවෙන් කුඩා දරුවන් දේශපාලනික අතකොලු බවට පත් කිරීමට මෙම දැන්වීම ප්‍රචාරය වන්නේ,දේශපාලනික අරමුණු මුදුන්පත් කරගැනීමට හයහතර නොදත් දරුවන් යොදාගනිමිනි.ඉතා සංවේදී දරුදුක හදුනන පියෙකු ලෙස මහින්ද රාජපක්ෂ මේ දැන්වීම තුලින් සමාජයට ප්‍රදර්ශනය කලද දැන්වීමේ පෙනී සිටි නොදරුවන්ගේ අනගතයට සිදු කරන කැළල,ඔවුන් දේශපාලනික නියෝජිතයන් කිරීම ඔබටත් මටත් පැහැදිලිව පෙනුනත් නොදැක්කා සේ කරබාගැනීමට සිදු වන සිදුවීමකි.

ජාතික අක්ෂිදාන සංගමයෙන් නිර්මාණය කර ඇති අති සංවේදී වූ ‘ඔබ බලා අවසන් වී දෙනෙත් පරිත්‍යාග කරන තෙක් ට්ව කෙනක් බලන් සිටි.’දැන්වීම අන්ධ දරුවෙකු යොදා ගනිමින් ඒ කුඩා දරුවා දෙනෙත් ඉල්ලා සිගමන් යදින තත්වයට පත් කර ඇත.ඒ නොදරුවගේ හැගීම්, අවිහින්සකත්වය,සිනහව,අසරණකම තුරුම්පුවක් ලෙස යොදා ගෙන ඇත.

anchor ‘දවසට දෙවරක් කිරි බොමු සිරුරට සවියක් අරගමු’වෙළද දැන්වීම ජනප්‍රිය ගායක ශිල්පින් යුගලක් වන භාතිය හා සන්තුෂ් යොදා ගනිමින් නිර්මාණය කර ඇත.කුඩා දරුවන් වයසක වැඩිහිට්යන් ලෙසට වෙස් ගන්වා ඔවුන්ට anchor කිරි පානය කිරීමට දී නැවත දරුවන් බවට පත් කිරීම මෙහි අන්තර්ගතය වේ.දැන්වීමේ ආචාරධර්ම උල්ලංඝනය කරමිණ කුඩා දරුවෙකුගේ මුවින්,’මාෂපේෂි වර්ධනයට අස්ථි ශක්තියට තියුණු පෙපෙනිමට කිරි.’ යනුවෙන් පැවසීමට සලස්වා ඇත.මෙම කෘත්‍රිම කිරි තුල උක්ත කිසිදු ගුණයක් අඩංගු නොවන අතර එය ගුවත් බවත් පෝෂ්‍යදායී බවත් දරුවන් තුලින් සියලු දරුවන්ට සන්නිවේදනය කිරිමෙන් ඔවුන් අපරදකරුවන් බවට පත් වන්නේ ඉබේම නොවේද?

ටිකිරිමාරි කෑවොත් පන්තියේ පවෙනියා වීම,මයිලෝ පානය කලවිට ශක්තිවන්තයෙකු වීම වැනි බොලද හරසුන් උපදේශ ළමා මනස තුල මුල් අද්දවා ඔවුන් ජිවිතයේ ප්‍රශ්න වලින් පැන යාමට,ප්‍රශ්නවලට කෙටි පීළිතුරු සෙවීමට සමාජයට වංචා කිරීමට මේ වෙළද දැන්වීම්වලට හැකියාව ඇත.

mango සුදු නැන්දේ

ඇයි අඹ ගස් උස යන්නේ

උස කීයද මනිනකොටයි

අඹයක් බිම වැටුණේ

nestle අඹ යෝගට් වෙළද දැන්වීමේ දරුවන් කෙලිකවකට්කම් ලෙසින් සිදු කරන ගස් නැගීම ප්‍රයෝජනයට ගනිමින් ඔවුන් වංචනිකයන් කර ඇත.අඹ ගසකට නැග අඹ කඩන විට අඹ ගසේ අයිතිකාරිය පැමිණේ.ඇයට බොරු කියා ඇයව මුල කිරීමට දරුවන් පෙඹවෙන ආකාරය මෙහි අන්තර්ගතය වේ.මින් දරුවන්ට  බොරු කියා දේවල් අත්පත් කරගැනීමට  කියදෙන්නේය.

clogard වෙළද දැන්වීම කුඩා දරුවෙකු ව්‍යාපාරිකයෙකු කොට වංචාවෙන් පාරිභෝගිකයන් මුල කර වෙලදාම් කිරමට යොමු කරවයි.අත්තම්මාම, ‘පුංචි මුදලාලි,දත් කුහර වලක්වන එනමලය ශක්තිමත් කරන කට නැවුම් කරන දත් බෙහෙත් එකක් දෙන්නකෝ’යනුවෙන් මුනුපුරාගෙන් ඉල්ලයි.දරුවා එවිට අසරණ වේ.නමුත් ඔහුගේ පිහිට අම්මා පැමිණේ.’ඇයි දත් සුදු කරන,මැලියම් අඩු කිරීම යන පහම කරන්නේ clogard’යැයි පවසා දරුවා ලවා දත්බෙහෙත් ටුයුබය අත්තම්මා අතට ලබා දෙයි.මවගේ අනුදැනුම ඇතිව කුඩා දරුවන්ට නොගැලපෙන දේ ලබා දීමට තරම් පහත් තත්වයකට සමාජය පත් කිරීමට මෙම දැන්වීම මග පාදන්නේය.මෙවැනි අවස්ථා වලදී නොදරුවන්ගේ සිනහව, අව්‍යාජ බව,අහිංසකත්වය නොදනිම විකුණුම් භාණ්ඩ බවට පත් වන්නේය.

මැලිබන් ක්‍රීම් ක්‍රැකර් (පෙත්තා) වෙළද දැන්වීම,වැඩිහිටි පෙම්වතුන් දෙදෙනෙකු කුඩා දරුවෙකු රවටන ආකාරය මතු කරවයි.පෙත්තා කතා කරන ආකාරයට එක කුස උපන් සහෝදරියගේ පෙම්වතා කතා කර සහෝදරයාව රවටා ලබාගන්නා සතුට තීව්‍ර කර ඇත්තේ දරුවාගේ සිනහව වෙළද භාණ්ඩයක් බවට පත් කර තම සහෝදර සහෝදරියන්ගේ අනියම් පෙම් සබදතවයන්ට අනුබල ලබා දීමට කුඩා දරුවන් පොළඹවමිනි.

මැලිබන් සෙල්ලන් ගෙදරට එන අමුත්තා දැන්වීමේ තම නැගණිය රවටා බඩජහරිකම ලොකු කර ගන්නා ආදර්ශවත් අයියා කෙනෙකු දක්වයි.අයියාගේ වංචනිකතත්වයට හසු නොවන නැගණිය ඊට නොදවෙනි මුසාවකින් තම සහෝදරයා පරාජය කරවයි.තම සහෝදර සහෝදරියන් රැවටීමට කුඩා දරුවන් තුළ පෙඹවීමක් ඇති කර ඔවුන් අපරදකරුවන් බවට පත්කිරීමට මෙම දැන්වීම මග පාදන්නේය.

 

මැලිබන් ගෝල්ඩ් මාරි (සයිමන් කිව්වා ) වෙළද දැන්වීම තම නැගණිය රවටමින් sayman says ක්‍රීඩාවේ මුවාවෙන් නැගණියගේ මාරි බිස්කට් පැකට් එකම ආහාරයට ගන්නා අයියාට ඒ ක්‍රීඩාවේ මුවාවෙන්ම නැගණිය අයියාට පාඩමක් උගැන්වීම දැක්වේ.මෙම වෙළද දැන්වීම ඇසගැටෙන කුඩා දරුවාගේ සිතට බලපෑම්ක් ඇති වන්නේ සහෝදරයා බොරු කිරීමට ඉඩ ඇති සැමවිටම ඊටත් විශාල මුසාවක් කියා තම සහෝදරයා රැවටිය යුතු බවය.සහෝදර බැදීම ඇති වෙන හෝ එලෙස ඇති වීමට හැසිරිය යුතු ආකාරයක් මෙමගින් ඉස්මතු නොවේ.

උක්ත සෑම අවස්ථාවකම ළමා අයිතිවාසිකම් උල්ලංඝනය වී ඇත්තේ වැඩිහිටි අපේගේ ඇස් ඉදිරිපිටමය.පාරිභෝගිකයා වෙළද භාණ්ඩයක් බවට පත්වී ඇති වත්මන් සමාජයේ දරුවෙකුගේ ආදරය,සිනහව,අව්‍යාජ හැගීම්, මව් සෙනෙහස ආදී වූ සියල්ලක්ම වෙළද භාණ්ඩ බවට පත් කර ඇත.මෙවැනි දැන්වීම් වලට තම දරුවන්ට පෙනීසිටීමට ඉඩ සලස්වා ඔවුන්ගේ අනාගතයට අදුරු පැල්ලම් ඇති නොකිරීමට මවුපියන් වගබලාගත යුතුය.දරුවන් අපරදකරුවන් වීම,වංචනික ක්‍රියාවන්ට මුළු මහත් ළමා සමාජයටම ආදර්ශයක් වීම අදම වලක්වා ගැනීම අප නොපමාව ක්‍රියාත්මක විය යුත්තේ රටේ අනාගත පරපුර රැක ගැනීම ඔබෙත් මගෙත් යුතුකම වන නිසාවෙනි.

Always try to keep the number of landings u make equal to the number of takeoffs

Mother Nature

In nature, light creates the color. 
In the picture, color creates the light.

-Hans Hoffman-

NATURE

Singapore

pk

PK FILM

 සිනමාව යනු චලන මාධ්‍යකි.ජීවිතය ප්‍රතිනිර්මාණය කරන කලාව සිනමාව වනවාසේම, සිනමාව චලනය ප්‍රතිනිර්මාණය කරයි.චලනය යනු ජිවිතයේ පදනමයි.ගතික ජීව්තයේ සැම දෙයක්ම චලිතය.එනිසාවෙන් ගතික ජීවතේ චලිතය ප්‍රතිනිර්මාණය කිරීමට සිනමාවට හැකියාවක් ඇත.එවන් සමාජ චලිතයක් හතරසිමවට ගත් එක් අවස්ථාවක් ලෙස රාජ් කුමාර් හිරාණි අධ්‍යක්ෂණය කල,විදු විනෝද් චොප්රා නිෂ්පාදනය කල pk සිනමා පටය දැක්විය හැකිය.

 2013 වසරේ නිලවශයෙන් රූපගත කිරීම් ආරම්භ කර දින 45කින් රූපගත කිරීම් අවසන් කල pk හින්දී චිත්‍රපටය කොමඩි drama ෆැමිලි ලේබලය යටතේ තිරගත විය.හුදෙක් හාස්‍ය මුලික වුවද සමාජය උඩුයටිකුරු කර අපේ අනුවණ ඔලමොට්ටලකම් අප ඉදිරියේම විවරණය කර ඇති කලාත්මක නිර්මාණයක් ලෙස මෙය හැදින්විය හැකිය.ප්‍රසිද්ධියේ සාකච්ඡා කල නොහැකි සමාජ ගැටළු පොකුරක් මේ චිත්‍රපටය තුලින් මතු කර ඇත.සමාජ ප්‍රශ්නවලට උඩගෙඩි දෙන අන් අයට හිනා වේවි එක එකාට කඩේ යන අය මේ චිත්‍රපටය බලලා හිනා උනේ තමන්ටම කියලා හිතන්නේ නැතුව ඇති.සමාජෙට දරුණු කම්මුල් පාරක් pk හරහා ලැබුණා.හාස්‍යජනක චිත්‍රපටයක් වුවද ආදරය තුන්ලෝකෙම සිටින සත්වයන්ට පොදු ධර්මතාවයක් බවත් ඒ ආදරේ පිරිසිදු වෙන්නේ අයිතිකරගන්නවට වඩා පරිත්‍යාගෙන් බවත් ආදරයේ නාමයෙන් බෙල්ලෙ වැල දාගෙන මැරෙන කෝච්චියට බෙල්ල තියන බොළඳ ආදරවන්තයන්ට ආදරවන්තියන්ට ඔලුව අතගා ටොක්කක් අනින ලෙසට පෙන්නවා දුන් චිත්‍රපටයකිpk.

 2014.12.19.දින නිකුත් වූ මෙම චිත්‍රපටය පාකිස්ථානය,නවසීලන්තය,ඔස්ට්‍රේලියාව, වැනි රටවල මෙන්ම ඇමරිකාවේද වැඩිම ආදායමක් ලද චිත්‍රපට අතරට එක් වී ඇත.

2013 වසරේ parishta නම් හින්දි නවකතාවේ නීතිවිරෝධී උපුටා ගැනිමක් බව පවසමින් pk සිනමාපටයට කපිල් ඉසපුරි නම් ලේඛකයා නඩු පවරා ඇත්තේ මෙම චිත්‍රපටය තුල තම නවකතාවේ එන චරිත,අදහස්,සිදුවීම් සොරකම් කර ඇති බවයි.තවද චිත්‍රපටය තුලින් තම ආගමික දර්ශනයට අපහාසයක් සිදුවන බව කියමින් හින්දු ආගමික සංවිධානයක් ගොනු කර තිබු නඩුවක් ඉන්දීය ඉහළ උසාවියෙන් නිෂ්ප්‍රභා කර ඇත්තේ “ඔවැනි මෝඩ තර්ක ඉදිරිපත් කරමින් උසාවියේ වටිනා කාලය නාස්ති නොකරන ලෙස”කියමිනි.එවන් වාතාවාරණයක් තුල pk සිනමාපටය වාරණයට ද ලක්විය.පූර්ව පචාරකපටයේ අමිර්ඛාන් රේල්පාරක් මත ගුවන්විදුලියකින් තම නිරුවත වසා සිටි.ඒ අනුව නිරුවත් හා ආගමික විශ්වාසයන්ට හානිකරන දර්ශන ඇතුලත් මෙම චිත්‍රපටය තහනම් කරන ලෙස ඉල්ලා ශ්‍රේෂ්ඨාධිකරණයට පෙත්සමක් ඉදිරිපත් විය.එය ඉවත දැමු අගවිනුසුරු ප්‍රකාශ කළේ,”අකමැතිනම් නොබලා ඉන්න.සැමදෙයක්ම අන්තර්ජාලයේ තියෙනෙව.හංගන්න තියෙන්නේ මොනවද?පිරිසකගේ අයිතීන් ආරක්ෂා කරන්න තවත් පිරිසකගේ අයිතීන් උල්ලංඝනය කරන්නට බැ.”යනුවෙනි.

 මෙම චිත්‍රපටය තුලින්, ආගම සහ දේව විශ්වාසය,ස්ත්‍රී පුර්ෂ සමාජභාවය,පියාබන පිරිසි හා පිටසක්ක්වල ජීවින්,ප්‍රවෘත්තිය හා වත්මන් මාධ්‍ය ක්‍රියාකාරිත්වය,ආදරය,මිත්‍යා විශ්වාස වල ඇති ශුන්‍යත්වය,අන්තර් සංස්කෘතිය ආදිය ඉස්මතුකර ඇත.

 මෙම චිත්‍රපටයේ වස්තුබිජය වී ඇති පිටසක්ක්වල ජීවියා පිලිබඳ කතාකළ යුතුමය.pk පිටසක්වල ජීවියෙකි.ඔහු නිරුවතින් සිටීම පෘතුවිවාසින්ට විශ්මයජනක වුවද ඔහුගේ ලෝකයේ එය සාමානය සිදුවිමකි.ඒ ඔවුන්ගේ සංස්කෘතියයි.නමුත් පෘතුවිවාසින් සංස්කෘතීන්,ආගම්,කුල,ගෝත්‍ර වශයෙන් බෙදී තමන්ටම සිමා පනවාගෙන එතුල කොටු වී ජිවත්වන බව මෙම චරිතය තුලින් මතු කරයි.

“ආගම යනු සමාජ ක්‍රියාවන් කෙරෙහි බලපෑම් කරනු ලබන සෑම සමාජයකම පාහේ දක්නට ලැබෙන අධි භෞතික දිශානතියක් සහිත පොදුවේ අත්දකිනු ලබන විශ්වාසයන් හා භාවිතයන් පිලිබඳ ක්‍රමයකි.”   (සමාජ විද්‍යා විශ්වකෝෂය)

 දේව ඇදහීම පිලිබඳ ගැඹුරින් සිතන්නට යමක් මේ සිනමාපටය තුලින් නිරූපිතය.මහා බ්‍රහ්මයා ලොව මවා ඇතනම් ඇයි දුක්විදින ජනතාවත් සැප විදින ජනතාවත් වශෙයන් කොටස් ද්විත්වයක් මවා ඇත්තේ?යන ප්‍රශ්නය ප්‍රේක්ෂකයන් තුල මතු කරන්නට සිනමාපටයට හැකි වේ.තවද ඌරු මස් කන්න ආගමට අනුව තහනම් නම් ඇයි දෙවියෝ ඌර නම් සතෙකු මැව්වේ?සර්වබලධාරී දෙවියන් වහන්සේ මෙලොව මවා ඇතනම් ඒ සර්වබලධාරී දෙවියන් මැව්වේ කව්රුන්ද?යන ප්‍රශ්න හරිම සරල ප්‍රශ්න ලෙස මතු කර ඇත්තේ ඔබටත් මටත් දෙවරක් සිතා බැලීමටය.

 දෙවියන් සර්වබලධාරී නම් හැමෝගෙම දුක උන්වහන්සේට පේනවනම් දුක් විදනා ජනතාව දුකින් මුදා ගන්න උන්වහන්සේට හැකිවිය යුතුය.දුක්දෝමනස් ඉවත් කල හැකි වියයුතුය.නමුත් ඒ සියල්ල අදත් හෙටත් පවතී.අපි දෙවීයන්ට පිං දෙමු.ඒ අනුව දෙවියන්ට ශක්තිය ලැබෙන්නේ අපෙනි.අපි පිං දී ජිවත් කරන දෙවියන්ට අපිව බලාගැනීමට අපි භාර කිරීම කෙතරම් හාස්‍යජනකද?මනුෂ්‍යයා කර්මයෙන් මුදවා ගැනීමට දෙවියන්ට බලයක් නැති බව ප්‍රේක්ෂකයාට හැගී ගියද එය පිළිගැනීමට නොකහැකිව උභතෝකොටික ගැටුලුවකට හසු වන්නේය.නමුත් චිත්‍රපටය තුලින් අපිට පිළිගැනීමට සිදු වන්නේ,දේව සංකල්පය මනුශ්‍යවර්ගයා විසින් ඔවුනුවුන්ගේ වාසියට ගොඩනගාගත්තාක් බවකි.

 චිත්‍රපටයේ එක ජවනිකාවකදී pk පිං පෙට්ටියට දැමු මුදල් නැවත ගනී.ඒ ඔහුගේ නැති වූ දුර්ස්තපාලකය නැවත සොයාදීමට දෙවියන් අපොසත්විම නිසාවෙනි.එනයින් තහවුරු වන්නේ දෙවියන් යනු හුදු සංකල්පයක් පමණක් බවයි.

 “පොලිසියේ ඉන්නේ දෙවිවරු නෙවෙයි.”යනුවෙන් පොලිස් නිලධාරියෙකු pkට පවසන්නේ මිනිසෙකුට උදවු නොකරන මිනිසුන් සිටින පෘතුව්තලයේ දෙවියන් කෙසේ මිනිසුන්ට උදව් කරන්නද යන්න තහවුරු කරමිනි.ලෝකවාසීන් තේරුම් නොගත්  සත්‍යද එයයි.ලොව සෑම පුද්ගලයෙකුම මුලා වී සිටින සේ pk ද මුලා වී දෙවියන් සොයයි.නමුත් අවසාන එය නිෂ්පල වේ.ඔබ ඔබටම පිහිට වන්න.ඔබ ඔබම වන්න.යන සනාතන සත්‍ය ඉන් මතු වේ.oh god,බුදුඅම්මෝ,යනුවෙන් පැවසුවද “නොපෙනෙන දෙවියන් වැන්දේ ඇයි ඔබ නිවසේ දෙවියන් අම්මා”යනුවෙන් පවසා ඇත්තේ එහෙයිනි.බුදුන්ට දෙවියන්ට ගරු කර විවිධ ආගමික උත්සව සදහා පිළිම වලට සිදු කරන වන්දනාව හුදෙක් පිට ඔපයක් පමණක් බව pk චිත්‍රපටය අවධාරණය කරයි.

 pk වරක දේව පිළිමයක් මිලදී ගැනීමට ඉල්ලා සිටි.නමුත් පිළිමවල ප්‍රමාණය වෙනස් වනවිට තක්සේරු වන මුදලද වැඩි වේ.නමුත් පිළිමේ ප්‍රමාණයට සිදුවන හාස්කම් ලොකු කුඩා නොවන බවත් හාස්කමක් සිදුවන්නේ නම් වය එක සමාන බවත් මින් අවධාරණය කෙර්.මනුශ්‍යවර්ගයා ලෙස අප අපිවම රවටා දෙවියන් තුට්ටුවට දමා ඇත.උමතුවෙන් දෙවියන් පසු පස දිවගියද දෙවියන් හැබැහින් දුටු කෙනක් නැත.එක අවස්ථාවක pkකන්නට දෙයක් දෙවීයන්ගෙන් ඉල්ලයි.මිහිපිට දෙවියෙකු ඔහුට කන්න යමක් ලබාදේ.නමුත් pk සිතන්නේ ඒ දෙවියන් ලබාදුන් බවයි.නමුත් මින් පුන පුනා මතු කරන්නේ දෙවියන් මිහිපිට මිනිසුන් යි.”මිනිසාමයි ලොව දෙවීයන් වන්නේ”යනුවෙන් පවසන්නේ එහහෙයිනි.

 pk තමාගේ නැතිවූ දුරස්තපාලකය ඉල්ලාගැනීමට දේවාලයට ගියේය.නමුත් ඉන් පලක් වුයේ නැත.එබැවින් ඔහු පල්ලියට ගියේය.ඉන්ද පලක් නොවිය.එතුලින් ආගමින් ආගමට,සංස්කෘතියෙන් සංස්කෘතියට ඇති විෂමතා හා ඒවාට ගරු කලයුතු බව දැඩිව අවධාරණය කරයි.අන්තර් සංස්කෘතිය ගොඩනැගෙන්නේ එතැනිනි.අසල්වැසියට ප්‍රේම කිරීමට කිතු දහමේත්,සියල්ලන්ට මෙත් වැඩිමට බුදු දහමේත් පවසා ඇත්තේ එබැවිනි.

“තමන්ගේ වැරදි නිසා දෙවියන් වහන්සේ කුරුසයේ තබා ඇන ගැසූවා.”කෙනෙකු pk ට පවසයි.නමුත් ඔහු කල්පනා කරන්නේ තමන් මෙලොව වැසියෙකු නොවී තමන්ගේ වැරදිවලට දෙවියන්ට දඩුවම් ලබා දුන්නේ කෙසේද කියාය.ඔහු සිතන්නේ මෙලොව මැව්වාය යැයි කියන කෙනා මාව පාලනය කරනවායැයි කියන කෙනා තමා බිහි වී වසර ගණනකට පසු ඉපිද ඇතිද යනුවෙනි.

 pk එක අවස්ථාවක පාලම උඩ සිටි මිනිසාගෙන් මුදල් ගන්නේ “හිගන්නන්ගේ පාත්තරේට හෙනහුරා වැටුන”යන ප්‍රස්තාවපිරුල තහවුරු කරමිනි.මිනිසෙකු ක්‍රියාවෙන් බ්‍රහ්මයෙකු හෝ වසලයෙකු වන බව බුදුදමේ උගන්වන්නේ මෙහියිනි.pkඅලුත උපන් දරුවන් සිටින කාමරයට ගොස් ඔවුන්ගේ පිටේ කොටා ඇති ආගමික ලාංඡනය පිරික්සයි.නමුත් එවැන්නක් ඔහුට හමු නොවීමෙන් තහවුරු වන්නේ මේ සියල්ල අපි විසින්ම ගොඩනගා ගත් හුදු ආටෝප බවයි.මිනිසුන් දෙවියන්ට බිලි පූජා පවත්වයි.කිසිදූ සතෙකුගේ පණ නසන්න කිසිදු ආගමක උගන්වා නැත.දෙවියන් එය අනුමත කර ඇත්ද?දරුවන් දාස් ගණනක් කුසගින්නේ සිටින විට දෙවියන්ව කිරිවලින් ස්නානය කරන්නටයයි දෙවියන් පවසා ඇත්ද?නැත.මේ සියල්ල මනුෂ්‍යන් මවාගත් දේය.චිත්‍රපටයේ මුල්ම දර්ශනයේ pk අතරමංව සිටින විට ඔහුට පිහිට වන්නේ රියෙදුරෙකි.රියැදුර සමග සන්නිවේදනය සිදු කිරීමට pk ඔහුගේ අත අල්ලයි.නමුත් ඔහු තම රියදුරු බලපත්‍රය පෙන්නවා තම ස්ත්‍රී පුරැෂ භාවය සනාථ කර තමන් සමරිසියෙකු නොවන බව අගවයි.චිත්‍රපටය ආරම්භක දර්ශනයෙන්ම මෙලොව සමාජය සමලිංගිකත්වය පිළිකුලෙන් බැහැර කරන බව පසක් කරයි.නමුත් පමණක් රටවල (නෙදර්ලන්තය,ෆින්ලන්තය,අයිස්ලන්තය,ස්වීඩනය,බෙල්ජියම) සමලිංගිකත්වය සදහා නීතියෙන් අවසර ලබා දී ඇත.එයට හේතුව වී ඇත්තේ විවිධ රටවල ඇති විවිධ සංස්කෘතීන්ය.එය තහවුරු වන්නේ pk අදීන කාන්තා ඇදුම්වලට සියලුදෙනා සිනාසිමෙන්ය.මිනිසා විසින්ම මෙය කාන්තා ඇදුම් පුරුෂ ඇදුම් ලෙස වර්ගීකරණය කරගෙන ඒ සඳහා විවිධ සීමා පනවාගෙන ඇත.එම සිමා අතික්‍රමණය කිරීමට පෙලබෙන්නන් හාස්‍යට ලක්කරයි.pk පිලිබඳ වැරදි අදහසක් ඇති කරගත් රියදුරු මිත්‍රයා pkට දියහැකි හොදම බයිට් එක ගණිකාවක්යැයි සිතයි.සමාජයේ සැගවුණු පැතිකඩක් මින් අමුඅමුවේ දර්ශනය කරයි.ගණිකා වෘත්තිය සමාජය පිළිකුලෙන් හෙලාදැකීම ප්‍රස්සිදියේ සිදු කලද ඒ වෘත්තිය සඳහා කාන්තාවන් යොමුවීමට හේතු සොයා බැලුවේ නැත.ඇයට ඇගිල්ල දික් කර දෝශාරෝපනය කලද ඇගේ කදුළු කතාවට සවන් දීමට සමාජය සුදානම් නැත.pk සිනමාපටය මේ සත්‍ය සියුම් උපහාසයෙන් යුතුව ඉදිරිපත්කර ඇත.චිත්‍රපටය තුල ඇති dancing car ද මේ සදහා නිදසුනකි. dancing car තුල සිටින්නේ තම පෙම්වතිය සමග රහසේ ලෝකයට හොරෙන් රතිකෙලියේ යෙදෙන්නන්ය. නමුත් ඔවුන් ලෝකයටම අඬබෙර ගසා මගුල් ගෙන ලිංගික හැසිරීමට නිත්‍යානුකූල අවසරය ලබන්නේ සමාජයේම සිරිත් හාස්‍යට ලක් කරමිනි.pk ඒ වාහන වලින් ඇදුම් සොරකම් කර තම විලි වසාගනියි.සමාජයේ ඇදුම් පැලදුම් වලින් මිනිසුන් මනින බවත් ඒ ඒ ඇදුමට සමාජයේ ඇති තත්වය හා පිළිගැනීම මතුකරන අවස්ථාවක් ලෙස pk පොලිස් නිළ ඇදුම හෑද සිටින විට ඔහුට ලැබෙන සැලකිල්ලෙන් තහවුරු වේ.

 pk සිනමාපටය තුලින් වර්තමාන මාධ්‍යටද ඇතුල් පහර එල්ලකරයි.කතාවේ ජන්ගු රැකියාව කල මාධ්‍ය ආයතනයේ ප්‍රධානියා බලු කුක්කෙකු රැගෙනවිත් එය උණුසුම් පුවතක් කිරීමට තැත් කරයි.දෙවියකු සොයන්නෙකුට දෙවියන් හමු නොවීම (pk)සමාජයට විශේෂ වුවද එය එය පුවතක් නොවුයේ එය පුවතක් කිරීමට දෙවියන් හමු විය යුතු නිසාවෙනි.එය හරියටම බල්ලා මිනිසෙකු සපා කැවිට එය පුවතක් නොවී මිනිසා බල්ලා සපා කෑම පුවතක් වීමයි.සත්‍ය පැවසීම දණ්ඩනයට ලක් වීම හා සම බවත් දෙවියන් පිළිබද මතුකරන ගැටළු ගුටිකෑමට මාර්ගයක් බව මින් නිරූපිතය.අද සමාජයේ සුලබව දැකිය හැකි,මාධ්‍ය විසින් පුද්ගලයන්ව මිථ්‍යා විශ්වාස තුලින් අන්ධ කරඇති තත්වය, හුදු ලාභ පමණක් බලොපොරොත්තු වීම,දේශපාලන දොරටුපාලනය මනාව නිරුපිතය.සත්‍ය වාර්තා කිරීම,සිදුවිය හැකි හානිය අවම කිරීම,ස්වාධීන ලෙස ක්‍රියා කිරිම සහ වගකීම් සහගත වීම ප්‍රවෘත්ති වාර්තාකරණයේ ආචාරධර්මිය ප්‍රමිතීන් වේ.නමුත් මේ සිනමාපටය තුල එවැන්නක් ඉස්මතු නොවේ.හුදු ලාභ පරමාර්ථය මිසක් පුවතේ වටිනාකම මාධ්‍යට අදාළ නැත.මේ බව මෑතකාලීන ලංකා මාධ්‍ය තුලද දැකගැනීමට හැකි විය.මේ සියල්ලටම පිටුපසින් දිවෙන මාධ්‍ය මර්ධනය ද pk හි ඇතුලත් වේ.”මෙතන සලකුණු තුනක් තියෙනෙවා පේන්වන්නද?ඒවා උපන් ලප නෙවෙයි.ඔයාගේ තාත්තගේ ආදරණිය යාළුවා අර තාපසතුමා ඉන්නවා නේද?එයාට විරුද්ධව මම ප්‍රවෘත්ති වැඩසටහනක් කළා.ඒනිසා එයාගේ බැතිමතුන් ඇවිත් මගේ පස්ස හිල් කළා.”මාධ්‍ය මර්ධනය pk හි ඇතුලත් කර ඇත්තේ මෙලසිනි.එහි ව්‍යංගාර්ථවත් ලෙස මාධ්‍ය වාරණය උලුප්පා දක්වයි.”එදා ඉදල මම තීරණය කළා මේ රටේ ජිවත් වෙන්නනම් ආගම් එක්ක පැටලෙන්නේ බැ කියල...,ඔයා සමාගමේ ක්‍රියා පිළිවෙත දන්නවනේ?ආගම් ගැනවත් දෙවියෝ ගැනවත් ප්‍රවෘත්ති කියන්නේ නෑ.එච්චරයි.”pk හි මාධ්‍ය වාරණය මෙලෙස ව්‍යංගාර්ථ කර ඇත.

 සාම්ප්‍රදායිකත්වය අතික්‍රමනය කල ආලය ජන්ගු හා සෆ්රාස් ගේ ප්‍රේමය තුලින් මතු කර ඇත.එමෙන්ම නිතිය රැකීමට මිනිසා පිහිටුව ගත් පොලිසියෙන්ම නිතිය කඩ වීම මේ සියලු දේ ආටෝප බව නැවතත් තහවුරු කරයි.

 pk චිත්‍රපටය බඩ පැලෙනකන් හිනා වෙන්න හොද චිත්‍රපටයක් නොව ආපසු නතර වී දෙවරක් සිතීමට ප්‍රේක්ෂකයා තුල උනන්දුවක් ඇති කරන ප්‍රශස්ත සිනමාපටයක් ලෙස පෙන්වා දියහැකිය.ආගම්,කුල,සංස්කෘතීන්,ආදරය,ස්ත්‍රී පුරුෂ භාවය, නිතිය,හොද,නරක,සම්මතය,විශ්වාස,ආදී වූ මේ සියල්ල මිනිසා විසින් මිනිසා උදෙසා ඇති කරගෙන ඇති මුත් වත්මන් සමාජය ඒවා හිස්මුදුනින් පිළිගෙන ස්වකිය ආත්ම විශ්වාසය පවා නැති කරගෙන ඇත.පසුගිය දිනක මෙරට ඇති වූ ඒ අන්තවාදී ප්‍රහාරය තුලින් අපි විසින්ම ගොඩනැගු ධර්මතා අපවම විනාශ කල ආකාරය මානාව පසක් විය.pk සිනමාපටය සමාජයට ලබා දෙන්නේ අපි හිස්මුදුනින් පිළිගන්නා දේව සංකල්ප,ආගම්,පවා අපි විසින් අපි උදෙසා හුදු වාසියට ඇති කරගත් දේවල් බවය.සමාජයේ පුද්ගලයන්ට හිස අතගා පොල් ටොක්කක් ඇනීමට pk සිනමාපටයට හැකි වී ඇත.